Policia e Kosovës ka raportuar se një i mitur nga fshati Breshanc i Suharekës është dërguar dje në emergjencë në Suharekë për shkak të dyshimit se kishte përdorë substanca narkotike, shkruan PrizrenPress
Për tretman të mëtejmë mjekësor i dyshuari është dërguar në Spitalin Rajonal në Prizren.
Nga raporti 24 orësh i Policisë është bërë e ditur se njësit policore kanë dalë në vend ngjarje dhe kanë kontrolluar shtëpinë e të dyshuarit ku janë gjetur dhe sekuestruar 1.87 gram substanca narkotike të llojit marihuanë, një grinder pajisje për bluarje të substancave narkotike, një pako me letra për mbështjelljen e substancave narkotike, një pako me filtera të cigareve dhe një telefon celular.
Siç njofton Policia, për shkak të gjendjes shëndetësore i dyshuari nuk është intervistuar, ndërsa lënda e rastit me urdhër të prokurorit vazhdon të hetohet në procedurë të rregullt./PrizrenPress.com/