Kryetari i Pikës së VV-së në Zhur, Rrahim Susuri, ka reaguar ndaj kuvendarit të PDK-së Sulltan Badallaj, i cili në seancën e Kuvendit, kërkoi nga kryetar Haskuka që të realizojë premtimin për rrënimin e Shtëpisë së Kulturës.
“Badallaj po merret me thashetheme”, tha Susuri.
Kuvendari Sulltan Badallaj(PDK), ka kërkuar ndërkaq që të mbahet premtimi për rrënimin e Shtëpisë së Kultursë në Zhurë.
“Rrënoni dhe ndërtoni një tjetër”, tha Badallaj.
Ndërkaq, Susuri tregon se personalisht e ka bërë një peticion me mbi 700 nënshkrime për Shtëpinë e Kulturës në Zhur.
“Kamë kërkuar që ta formojmë një grup jashtë komunal, i cili do të bënte ekspertizën e këtij objekti, se çka është punuar, dhe si është punuar”, tregon ai.
Sipas tij, me fitoren e VV-së në Prizren këtij objekti do t’i bëhet një ekspertizë, e cila do të na siguron se objekti në fjalë i plotëson kushtet për funksionim”.
“Ne nuk kemi kërkuar me e rrëzuar objektin z Badallaj, kemi kërkuar të bëhet një ekspertizë, nëse ekspertet e vlerësojnë si të paqëndrueshëm atëherë të rrënohet dhe personat përgjegjës të dalin para drejtësisë. Kjo ishte kërkesa jonë që t’i mbrojmë interesat e qytetarëve tanë”./PrizrenPress.com/