Ministrja për Dialogun, Edita Tahiri, ka deklaruar për Telegrafin se sonte në Bruksel bisedat po zhvillohen për çështjet e drejtësisë. Sipas saj, Asociacioni nuk është në rend dite fare.
“Pa u zgjidh çështja e drejtësisë dhe shuarja e ‘Mbrojtjes Civile’, nuk mund të bisedohet për asociacionin”, ka thënë ajo.
Sipas saj, dakordimi eventual për planin për zbatim në çështjet e drejtësisë, në pajtim me ligjet e Kosovës dhe Marrëveshjen e Brukselit, do të hap rrugë për të vendosur sistemin unitar të drejtësisë në veri të vendit dhe integrimin e personelit serb në institucionet shtetërore të drejtësisë në Kosovë.
“Kjo do t’i jep fund strukturave paralele serbe në fushën e drejtësisë”, ka shtuar ajo.