Mbledhja e jashtëzakonshme e Kuvendit Komunal të Prizrenit, e cila ishte thirrur për datën 27.01.2020 dhe ishte shtyrë për shkak të mungesës së kuorumit, do të vazhdojë të mbahet të enjten më 13.02.2020 nga ora 13:00.
Mbledhja do të mbahet në sallën e mbledhjeve të Kuvendit Komunal tek Shtëpia e Bardhë me pikën e mbetur të rendit të ditës për zgjedhjen e kryesuesit.
Kuvendi i Prizrenit ka dështuar të zgjedhë kryesuesin e ri, pas dorëheqjes së Artan Abrashit, i cili në zgjedhjet e fundit është bërë deputet i Kuvendit të Kosovës.
Kandidati i VV-së, Muharrem Elezurtaj dhe ai i PDK-së, Sulltan Badallaj, muajn e kaluar, nuk kanë marrë vota të mjaftueshme për t’u zgjedhur kryesues të Kuvendit./PrizrenPress.com/