Drejtoria për Mbrojtje dhe Shpëtim, njofton të gjithë fermerët e Komunës së Malishevës, se duke filluar nga java e ardhshme, të hënën me 7 korrik 2014, nis spërkatja e bagëtisë, gjegjësisht repelimi i bagëtisë. Me këtë lutem blegtorët që ti mbajnë mbyllur bagëtinë nga 6:00 e mëngjesit, deri në ora 12:00 në mesditë dhe të bëjnë mjeljen e tyre.
Repelimi i bagëtisë bëhet me qëllim të parandalimit nga prekja nga rriqrat, me qëllim të mosbartjes së rriqrave nga fushat në stalla. Edhe kjo fushatë e spërkatjes së bagëtisë, është në kuadër të luftimit dhe parandalimit të infektimit me ethe hemorragjike krime kongo (EHKK) dhe është në kuadër të strategjisë nacionale kundër EHKK.
Spërkatje, përkatësisht repelimi i bagëtive, organizohet dhe financohet nga Agjencioni i Veterinës dhe Ushqimit në Republikën e Kosovës (AVUK). Fushata, planifikohet të nis të hënën në fshatin Burim, ndërsa varësisht prej ecurisë të saj, fshatrat do të njoftohen me kohë përmes mjeteve të komunikimit dhe nga kryetarët e fshatrave. Luten qytetarët që të ndjekin udhëzimet, për mbajtjen mbyllur të bagëtive deri në mesditë dhe mjeljen e tyre./prizrenpress.com