Kryesuesi Kujtim Gashi ka ftuar kuvendarët për mbledhjen e dytë të përbërjes së re të Kuvendit Komunal të Prizrenit.Mbledhje do të mbahet të mërkurën e javës së ardhshme.
Në këtë mbledhje do ta japin betimin dy anëtarë të Kuvendit Komunal, të cilët zëvendësojnë anëtarët që për arsye të ndryshme nuk janë pjesë e Kuvendit Komunal.
Në këtë mbledhje po ashtu sipas rendit të ditës do të emërohen anëtarët e Komitetit për Politikë dhe Financa, të cilët sipas çelësit të përfaqësimit, përkatësisht votave nga zgjedhjet e fundit do të jenë nga partitë parlamentare që kanë grupe në Kuvend.
Në këtë mbledhje gjithashtu do të themelohet dhe do të emërohen anëtarët e Komitetit të komuniteteve si dhe do të themelohet Këshilli për Siguri në Bashkësi dhe do të emërohen anëtarët e këtij Këshilli./PrizrenPress.com/