Katër persona të armatosur kanë sulmuar një hotel në plazhin e “Grand Bassam” në Bregun e Fildishtë. Sipas mediave të huaja deri më tani raportohet për 11 të vdekur. Mësohet se mes viktimave është edhe një fëmijë 5-vjeçar.
Agresorët ishin të armatosur dhe në kokë kishin vënë kapuçë në momentin që qëlluan mbi turistët. Nuk dihet ende se kush qëndron pas këtij sulmi të tmerrshëm, por dëshmitarët thonë se para se të fillonin sulmin, agresorët bërtitën “Allahu Akbar”. “Grand Bassam” është një prej zonave më të preferuara për turistët.