10.8 C
Prizren
E martë, 23 Prill, 2024

Tërheqja e mjeteve nga Trusti sot shqyrtohet në Komisionin për Buxhet

Projektligji për plotësimin dhe ndryshimin e Ligjit për fondet pensionale të Kosovës, i iniciuar nga Partia Demokratike e Kosovës, është në rend të ditës, në mbledhjen e Komisionit që do të mbahet sot, shkruan Reporteri.net.

Partitë opozitarë në Kosovë kanë insistuar vazhdimisht që sa më shpejt të procedohet në Kuvend Projektligji që mundëson lejimin e tërheqjes së mjeteve nga Fondi Pensional i Kursimeve Trust.

Opozita po kërkon që nga Trusti të lejohet tërheqja e deri në 30 për qind të mjeteve nga ana e qytetarëve.

Sipas krerëve të këtyre grupeve parlamentare, tërheqja e një shume të caktuar nga Trusti, do të ju lehtësonte jetën qytetarëve.

Deputeti Bekim Haxhiu në emër të Grupit Parlamentar më 9 mars pati dorëzuar në Kuvend, Projektligjin për plotësimin dhe ndryshimin e Ligjit për Fondin e Kursimeve Pensionale, i cili do të mundësonte tërheqjen e këtyre mjeteve.

Kundër këtij projektligji ka dalë partia në pushtet, Lëvizja Vetëvendosje.

Zyrtarët e kësaj partie kanë bërë të ditur se nuk e përkrahin nismën legjislative të Kuvendit të Kosovës që ka të bëjë me tërheqjen e një sasie të caktuar të parave.

Një tërheqje e ngjashme deri në 10 për qind është bërë në fund të vitit 2020, pas përkeqësimit të gjendjes financiare të familjeve, për shkak të pandemisë COVID-19.

Më Shumë

Liria në shtëpi pret Dukagjinin

Në Prizren, Liria tashmë e dorëzuar e pret Dukagjinin e Klinës që synon fitore pas barazimit në xhiron e kaluar me Llapin. Vendasit nuk e...

Ish-gazetari Ramadan Baraliu aderon në Vetëvendosje

Ish-gazetari dhe politikologu, MSc. Ramadan Baraliut ka aderuar sot në Lëvizjen Vetëvendosje. Ai ëshvë mirëpritur nga kryetari i Qendrës së LVV-së në Prizren, Artan Abrashi...

Lajmet e Fundit