Kryetari i PDK-së Hashim Thaçi nuk është lodhur nga politika. Prandaj thotë se po mendon të pranoj detyrën si President i vendit vitin e ardhshëm dhe për këtë hoqi dorë nga posti i Kryeministrit.
Në një intervistë për ‘Zona B’ në Klan Kosova, zëvendëskryeministri Thaçi theksoi se
“Nuk jam fare i lodhur përkundrazi jam në formën ma të mirë të mundshme edhe njerëzore edhe djaloshare edhe politike”, tha Thaçi.
Kjo formë bashkë me rezultatet e mëhershme në zgjedhje e kanë bërë Thaçin të mësyj më lartë.
“Besimi i qytetarëve, si lideri më i votuar tash e tetë vite dhe fitorja në tri zgjedhje nacionale më jep fuqi dhe energji me vazhdu edhe më fuqishëm edhe në të ardhmen”, tha Thaçi.
Ai siguroi se do t’i futet garës për president dhe se do të fitoj postin pavarësisht formës së garës që i duhet të nënshtrohet dhe marrëveshjes politike që bëri me LDK-në për këtë punë.