Kryeministri i Kosovës Hashim Thaçi, e ka lënë në harresë krijimin e komunave të reja në Has.
Pak muaj para zgjedhjeve lokale të mbajtura në nëntor të vitit të kaluar, kryeministri pothuajse çdo ditë kishte proklamuar themelimin e disa komunave të reja, mirëpo edhe pse kanë kaluar disa muaj, nuk ka ndodhur më asnjë lëvizje në këtë drejtim. Madje, themelimin e dy komunave në Has e kishte konsideruar si punë të kryer. Pas zgjedhjeve lokale, Thaçi nuk ka folur asnjëherë për këto dy komuna dhe komunat e tjera të premtuara.
Ai tani fushatën e ka orientuar në rritjen e pagave dhe shlyerjen e borxheve për kategoritë sociale.
Por premtimi i mëhershëm i kryeministri Thaçi për krijimin e komunave të reja, nga analistë politik dhe përfaqësues të fshatrave që synojnë të bëhen komuna, po vlerësohet si premtim vetëm sa për të fituar vota.
Sipas tyre, kryeministri për vota shpeshherë po jep premtimet të parealizueshme./tribuna/