Kryeministri i Kosovës Hashim Thaçi dhe kryetari i Prizrenit, Ramadan Muja, kanë përuaruar rrugën në fshatin Serbicë e Ulët. Thaçi dhe Muja kanë uruar banorët e këtij fshati për këtë investim. Asfaltimi i rrugës në këtë fshat ka kushtuar 1 miljon euro.
“Kryetari Muja ka pasur përkrahje për çdo projekt nga Qeveria e Kosovës. Prandaj, unë e përgëzoj Mujën për punën që ka bërë dhe për punët e tjera që do t’i bëjë”, tha Thaçi. Ai i ka premtuar Mujës se do të vazhdojë të përkrah edhe në të ardhmen.
Kryetari i Prizrenit, Ramadan Muja tha ndërkaq se ky fshat me asfaltimin e rrugës ka marrë pamje të re. “Ky fshat ka marrë një pamje të re. Ne jemi krenar me punën që kemi bërë për t’ia lehtësuar jetën banorëve të kësaj ane”, tha Muja. /PrizrenPress.com/