17.8 C
Prizren
E hënë, 26 Shtator, 2022

Fitorja e Vetëvendosjes, do të jetë fitore për qytetarët e Sharrit

vv sharrLëvizja Vetëvendosje! ka mbajtur tubimin elektoral në komunën e Sharrit. Kandidati për kryetar të Komunës, Bledi Kurtishi, tha se ndryshimi në Sharr është i domosdoshëm. Ai foli në pika të shkurtra për Alternativën Qeverisëse të Vetëvendosjes, për Komunën e Sharrit, duke u fokusuar më shumë në sferën e bujqësisë dhe blegtorisë.  “Sektori i bujqësisë dhe blegtorisë prej prioriteteve më të rëndësishme të Vetëvendosjes në Sharr. Mungesa e subvencioneve e ka dëmtuar në masë të madhe bujqësinë dhe blegtorinë në këtë rajon, të cilat përbëjnë palcën e ekonomisë së këtyre fshatrave. Për zgjidhjen e këtij problemi, Vetëvendosje! gjatë mandatit të saj qeverisës do t’i investojë në formën e subvencioneve 10 mije euro në vitin e parë, 15 mijë euro në të dytin, 20 mijë viti në të tretë dhe 25 mijë në vitin e katërt”, tha Kurtishi.

Ai tha se VV-ja synon që karshi prodhimit të lëndës së parë t’i ndërmarrë hapat e parë për finalizimit e prodhimeve bujqësore, duke ndikuar në këtë mënyrë krijimin e vendeve të reja të punës, uljen e deficitit tregtar, rritjen e buxhetit, e si rrjedhojë edhe në rritjen e mirëqenies së qytetarëve dhe zbutjen e varfërisë.
Kandidatja për Kuvendin Komunal, Flutura Tërshnjaku, tha ndërkaq se rinia në komunën e Sharrit, nuk ka perspektivë. “Kuvendi Komunal i Sharrit dhe Drejtoria e Arsimit, janë të vetmet vende ku mund të punësohen rinia jonë e shkolluar, por këto dy institucione kanë ndezur dritën e kuqe për të diplomuarit jashtë partisë së tyre”, tha ajo.

Lideri i Lëvizjes Vetëvendosje! Albin Kurti, tha se Komuna e Sharrit vazhdon të mbetet një komunë të cilës i mungon edhe zhvillimi edhe drejtësia. “Komuna e Sharrit ka shumë probleme të cilat ne do t’i adresojmë e zgjidhim një nga një. Problemi, mbase kryesor, është migrimi i popullsisë. Migrimi i të rinjve që po e lëshojnë Kosovën nga kjo komunë, dhe migrimi i familjeve të cilat po zhvendosen për në qytetet e Kosovës”, tha Kurti.
Ai shtoi Sharrit ka popullsi të fortë e bujare, por ka institucione të dobëta e udhëheqje të padrejtë. “Kjo duhet të ndryshohet. Kjo udhëheqje duhet të ndërrohet. /PrizrenPress.com/

 

Më Shumë

Vetëvendosje sot mban zgjedhjet e brendshme

Sot do të mbahen zgjedhjet e brendshme në Lëvizjen Vetëvendosje. Qendrat e vendvotimeve do të hapen në orën 10 dhe do të mbyllen në orën...

Këto janë vendet me çmimet më të larta të bukës

Çmimet e bukës janë rritur ndjeshëm në të gjithë Europën gjatë vitit të kaluar, tregojnë të dhënat e reja. Por çmimet e bukës u rritën...

Lajmet e Fundit