(E plotësuar) Kryeministri Hashim Thaçi ka bërë homazhe në kompleksin Memorial në Prekaz, por për dallimnga Kreu i LDK’së Isa Mustafa, Thaçi nuk ka shkuar fare në Odën e Jasharajve. Në fakt , Thaçi ka kohë që i ka ndalë vizitat në Odën e kësaj familjeje për shkak të raporteve gjithnjë e më të ftohta me këtë familje. Sido që të jetë , politikanët nuk i kanë ndalë vizitat tek ky memorial me arsyetimin se atje shkojnë për të marrë “energji të reja”,shkruan Express.
Balotazhi i çon në Prekaz
Liderët e institucioneve dhe partive politike kanë bërë homazhe të enjten para monumenteve të heronjve. Kështu Isa Mustafa ka bërë homazhe dhe ka vendosur lule në Kompleksin Memorial “Adem Jashari” në Prekaz, si dhe para shtatores së Komandantit të UÇK-së, Zahir Pajaziti dhe
te varri i Presidentit Rugova.
Të njëjtën e ka bërë edhe Kryeministri Hashim Thaçi i cili përveç Prekazit dhe shtatores së Zahir Pajazitit ka vendosur lule edhe para shtatores të Presidentit Rugova në sheshin që e mban emrin e tij. Homazhe ka bërë edhe lideri i AAK’s Ramush Haradinaj. Përveç nderimeve që u bëjnë zakonisht këtyre figurave duket se këta liderë kanë shfrytëzuar rastin për t’u dukur pak në opinion edhe për shkak t balotazhit t 1 dhjetorit