Kryetari i PDK-së, Hashim Thaçi ka përmbyllur fushatën zgjedhore në Prizren. Ai premtoi se nga viti i ardhshëm do të ketë ngritje të pagave për të gjitha kategoritë.
“Mbajtëm premtimin për rritje rrogash për 50 për qind, ndërsa gjatë mandatit të ardhshëm do të angazhohemi edhe për rritje të mëtejme të mirëqenies, andaj edhe ju garantoj se për të gjitha kategoritë, përfshirë arsimin, shëndetësinë, policinë, FSK-në pensionistët dhe të tjerët do të ketë ngritje progresive të pagave deri 100 për qind, nga fillimi i vitit të ardhshëm”, tha Thaçi “Shteti i Kosovës tashmë ka shënuar rritje të zhvillimit ekonomik dhe se ngritja e pagave do ta barazojë, atë me vendet tjera evropiane”.
Thaçi lavdëroi partinë e tij,për përgjegjësin shtetërore që ka treguar. “Nisma si çlirimtarë të vendit e tash si ndërtues të shtetit dëshmon për një pjekuri të treguar edhe gjatë kësaj fushate elektorale”, tha ai.Kandidati i PDK-së për kryetar të Prizrenit, ndërkaq kërkoi ndëshkimin me votë, të atyre, që “nuk kursejnë kritika apo edhe fyejnë miqtë e Prizrenit e të Kosovës”.“Kryeziu i LDK-së ka vepruar kështu edhe ndaj kryeministrit shqiptar Edi Rama”./PrizrenPress.com/