Nuk po luan shumë minuta, por në ata që ka luajtur – Xherdan Shaqiri ka dhënë më të mirën në fushë.
Kështu, 27-vjeçari shqiptar ka fituar zemrat e tifozëve të Liverpoolit në mbarë botën, të cilët e duan titullar në vikend.
Të shtunën, ekipi i Jurgen Klopp luan në udhëtim me Huddersfield Toën A.F.C. dhe për këtë ndeshje janë në dyshim lojtarë si; Van Dijk, Keita, Salah e Mane.
Tifozët mendojnë që në mungesë të Salahut e Manes, që ende nuk është zyrtare nëse nuk do t’ia dalin të rikuperohen pas problemeve me kombëtare, të startojë Xherdan Shaqiri.
Shaqiri këtë edicion është paraqitur në 6 ndeshje për Liverpoolin në të gjitha garat, duke luajtur vetëm 191 minuta, teka ka kontribuar me një asistim.
“Është koha për Shaqirin”.
“Shaqiri është gati për të startuar”.
“Djema, djema – e kemi Shaqirin, ai mund të luajë”.
“Shaqiri duhet të startojë kundër Huddersfieldit”.
“Shaqiri meriton më shumë minuta dhe besoj se duhet të luajë nga fillimi kundër Huddersfieldit”, – janë disa nga komentet e tifozëve në “Twitter” për Shaqirin.