Është përmbyllur cikli i nismës së re të Komunës së Prizrenit të buxhetimit me pjesëmarrje ku qytetarët kanë propozuar ide dhe kanë votuar për projektin më të mirë për vendbanimin e tyre.
I fundit aktivitet u zhvillua të hënën pasdite në Reçan, fshat i banuar me boshnjak ku banorët votuan për projektin “Sanimi i stadiumit në fshatin Reçan”.
“Reçani votoi sot! Në ciklin e takimeve për buxhetim me pjesëmarrje, banorët e këtij fshati, votuan për projektin “Sanimi i stadiumit në fshatin Reçan”. Ky projekt, që u propozua nga vet banorët, do të financohet nga Komuna e Prizrenit. Paratë tona, idetë tona, Prizreni ynë! Urime!” ka shkruar në Facebook, kryetari i Komunës së Prizrenit, Shaqir Totaj.
Kjo nismë u realizua për herë të parë nga Komuna e Prizrenit me përkrahjen e USAID Kontrata Sociale.
Këtë vit janë përzgjedhur tre vendbanime Zhuri, lagjia Kurillë dhe Reçani ku Komuna e Prizrenit është zotuar t’i mbështesë financiarisht deri në 300 mijë euro
