28.9 C
Prizren
E diel, 14 Shtator, 2025

Tragjedi në sheshxhirim: Aktori i famshëm qëllon me armë 2 pjesëtarë të stafit

Aktori i njohur, Alec Baldwin u bë pjesë e një tragjedie teksa xhironte për filmin e tij të ri, “Rust”. Baldwin, aksidentalisht qëlloi me armën që supozohej të përdorej për skenën, duke lënë të vdekur drejtoreshën e fotografisë dhe duke plagosur regjisorin e filmit. 

Sipas autoriteteve të Santa Fe, Baldwin i cili luan dhe është njëkohësisht producent i filmit, ka shkrepur armën duke shkaktuar një incident që përfundoi fatal.

Autoritetet konfirmojnë se drejtoresha 42-vjeçare e fotografisë Halyna Hutchins, ashtu edhe regjisrori  Joel Souza, 48, janë qëlluar nga aktori Alec Baldwin.

“Hutchins, u dërgua menjëherë me helikopter në spitalin e Meksikës, ku ndërroi jetë pak pas arritjes, e ndërsa regjisori mori ndihmën e parë nga ambulanca dhe aktualisht është nën kujdesin e tyre. Hetimet qëndrojnë të hapura.”- tregojnë autoritetet për The Guardian.

Nga të dhënat e para, thuhet se aktori ka shkuar me vullnet të plotë të flasë me hetuesit dhe është parë i tronditur pas ngjarjes së ndodhur.

Supozohej që arma të përdorej kur të ishte bosh, por hetuesit janë ende duke kërkuar për detajet që do t’i çojnë tek shkaku i aksidentit.

Xhirimet e filmit “Rust” pritej të vazhdonin deri në fillim të nëntorit. Filmi flet për historinë e një djali 13-vjeçar që pas vdekjes së prindërve duhet të kujdeset për veten dhe vëllain. Adoleshenti arratiset bashkë me gjyshin e tij (të larguar prej vitesh) pasi u dënua për vrasjen aksidentale të një fermeri vendas./ KultPlus.com

 

Më Shumë

Tragjedi në Rahovec: Vdes dyvjeçari pas lëndimit aksidental, rasti nën hetime

Një fëmijë dyvjeçar ka ndërruar jetë sot në Qendrën Klinike Universitare të Kosovës (QKUK), pasi kishte pësuar një lëndim aksidental më 31 gusht në...

Nën efektin e alkoolit sulmon bashkëshorten, arrestohet burri në Rahovec

Një burrë kosovar është arrestuar mbrëmjen e djeshme në Rahovec pasi dyshohet se nën ndikimin e alkoolit ka sulmuar bashkëshorten e tij. Sipas raportit...

Lajmet e Fundit