Ambasada e Shqipërisë në Itali ka konfirmuar vdekjen e dy të rinjve shqiptarë në Gjenova të Italisë pas shembjes së urës Morandi.
Kjo ambasadë njofton se Marjus Djerri dhe Edi Bokrina janë dy të rinjtë mes 37 viktimave të tragjedisë.
“Ambasada po ndjek me autoritetet italiane lajmin e rëndë për humbjen tragjike të jetëve të dy të rinjve shqiptarë Marjus Djerri dhe Edi Bokrina në aksidentin tragjik në urën Morandi në Genova. Duke u shprehur ngushëllimet e sinqerta familjarëve të viktimave ambasada është në dispozicion të të afërmeve për të gjithë asistencën e nevojshme”, thuhet në njoftimin e kësaj ambasade, transmeton Klan Kosova.