Policia e Kosovës, drejtoria rajonale e Prizrenit ka bërë të ditur se pas disa kontrolleve në disa lokacione ka shoqëruar në polici tre persona të dyshuar për fajde.
“Sot rreth orës 09:00 të mëngjesit, hetues rajonalë kanë kryer kontrolle në tri lokacione: dy në Suharekë dhe një në Semetisht”, ka bërë të ditur Policia e Kosovës përmes një komunikate.
PK-ja ka thënë se bastisjet janë kryer me urdhëresë të lëshuar nga gjykata në vazhdimësi të hetimit të rastit të fajdeve.
“Tre të dyshuar janë shoqëruar për në stacion policor dhe pas intervistave është informuar prokurori i shtetit i cili ka urdhëruar që njëri nga të dyshuarit me mbiemër Bytyqi të ndalët nën masën e arrestit policor ndërsa dy të tjerë do të përballen me drejtësinë sipas procedurës së rregullt”, ka thënë PK-ja. /PrizrenPress.com/