KMDLNJ në Prizren njofton se sot është ndërprerë greva e urisë e tre të burgosurve në burgun e Prizrenit, grevë kjo e filluar para shtatë ditësh.
“Puna e brendshme e menaxhmentit të Qendrës së Paraburgimit në Prizren, dhe sugjerimi për ndërprerje të grevës, bazuar edhe në fillimin e përkeqësimit të gjendjes shëndetësore të grevistëve, ka rezultuar me ndërprerje të grevës”, thuhet në njoftimin e KMDLNj të Prizrenit.
Në grevë ishin: Skënder Selmani, Qëndrim Rexhaj dhe Abdullah Zogaj të dënuar secili me nga 5,5 vite burgim, në shkallën e parë nga EULEX-i më 16 tetor të vitit 2013. Tash lënda ndodhet në Apel./PrizrenPress.com/