Ai kishte shkuar në plazh për të pushuar, por ndodhi që ajo të ishte dita e fundit e jetës së tij.
Një ditë më parë, një 63-vjeçar ka humbur ndjenjat në plazhin e Durrësit, e më pas ka humbur jetën pa arritur në spital.
Ngjarja ka ndodhur në plazhin në lagjen nr.13 të qytetit, ku RR.H., me banim në Rrogozhinë, duke ecur në breg të detit dhe më pas ka rënë pa ndjenja, bëjnë me dije burime zyrtare nga policia.
Personi është nisur për në spital por ka ndërruar jetë rrugës pa mundur që të marrë ndihmën e specializuar spitalore.
Nga veprimet e kryera rezultoi se, vdekja ka ardhur për shkaqe natyrale, njofton policia, ndërsa materialet iu kaluan Prokurorisë së Durrësit.