Turqia mund të jetë vendi i radhës që është gati të shkojë në referendum, sa i takon çështjes nëse duhet të vijojnë apo jo negociatat për anëtarësimin në BE.
Ministri turk i Punëve të Jashtme, Mevlut Çavushoglu, deklaroi se pas përfundimit të negociatave me Bashkimin Evropian do të pyetet populli.
“Ne fuqinë e marrim nga populli ynë. Kjo vlen edhe në kohën kur ka bllokim. Nëse tani bllokohet procesi i negociatave, lirshëm mund ta pyesim popullin se si do të vazhdojmë tani e tutje”, tha Çavushoglu.
Deklaratat e tij u bënë sot gjatë një konference të përbashkët për median pas takimit me ministrin e Jashtëm të Maltës, George Vella.