Holli i shkollës “Xhevat Berisha” ishte i vogël për t’i zënë banorët e lagjes “Tusuz” që kishin dalë për të pritur kandidatin e BD-së për kryetarë të Komunës së Prizrenit,Zafir berishën. Berisha tha se “Tusuzi” gjatë gjithë historisë ka qenë në ballë të ndryshimeve në të mirë të vendit.
“Prezenca masive e juaj më bën shumë optimist se ju të nderuar qytetarë të ‘Tusuzit’, Vrrinit dhe Prizrenit do të jeni përkrah ndryshimeve që pritet me ndodh në interes të qytetarëve me 3 nëntor dhe këto ndryshime mund t’i gjeni tek numri 74”. Berisha tha se Prizreni është duke u torturuar kohëve të fundit me pano dhe foto edhe të pandehurve.
“Po i shpenzojnë miliona euro për ta tjetërsuar vullnetin e prizrenasve për ndryshime dhe Hashim Thaçi, Enver Hoxha dhe Kadri Veseli me sa po shihet kanë marrë shtëpi me qira në Prizren që të akuzuarin nga EULEX për krim dhe korrupsion ta bëjnë edhe një herë kryetar.Por qytetarët e Prizrenit kësaj radhe nuk do të bien pre e presioneve dhe shantazheve të askujt sepse kanë vendosur të votojnë për shpresën e vetme të Prizrenit, e cila është Bashkimi Demokratik”
Ai garantoi banorët e “Tusuzit” se me ardhjen në pushtet do të ndërtojmë një qendër kulturore dhe sportivë për banorët e kësaj lagje e cila është lagja e treta me e madhe në qytet. /PrizrenPress.com/