Policia e Kosovës ka arrestuar dy persona të dyshuar për “Posedim të substancave narkotike”, në Prizren, raporton PrizrenPress
Siç njofton Policia, të dyshuarve u janë gjetur 1.95 gram lëndë narkotike, të dyshuara si marihuanë.
Me urdhër të prokurorit të dyshuarit janë liruar në procedurë të rregullt.
Njoftimi i plotë i PK-së:
POSEDIM I SUBSTANCAVE NARKOTIKE
· Rr. Adem Jashari, Prizren, 31.08.2021 – 13:10. Është ndaluar një i dyshuar mashkull kosovar dhe gjatë kontrollit në veturën e tij është gjetur dhe konfiskuar një sasi me substancë narkotike e llojit marihuanë me peshë 1.37 gram. Me urdhër të prokurorit i dyshuari është liruar në procedurë të rregullt.
· Rr. Ibrahim Rugova, Prizren, 31.08.2021 -22:30. Njësiti policor duke patrulluar kanë ndaluar të dyshuarin mashkull kosovar për arsye se gjatë kontrollit i është gjetur dhe konfiskuar një sasi e dyshuar e substancës narkotike, më peshë 0,54 gram e llojit marihuanë. Me konsultim me prokurorin, i dyshuari është liruar rasti në procedurë të rregullt. /PrizrenPress.com/