15.8 C
Prizren
E premte, 24 Maj, 2024

“Unë t’vras”/ Burri në Mamushë kërcënon me vdekje fqinjin e tij për shkak të parkingut të lokaleve

Mosmarrëveshjet mes qytetarëve të Kosovës lindin për arsye të ndryshme. Ato shpesh herë eskalojnë në ofendime, të shara e kërcënime në drejtim të njëri-tjetrit, madje duke shpërthyer edhe përleshjet fizike. Një problem i kamotshëm mbeten edhe parkingjet të cilat bëhen mollë sherri për njerëzit, raporton Gazeta Sinjali.

Një rast i tillë ka ndodhur dje rreth orës 13:00 në Mamushë, ku një burrë dyshohet se ka kërcënuar me vdekje fqinjin e lokalit ngjitur me lokalin e tij.

Sinjali mëson se rastin e ka denoncuar në Polici një 53-vjeçar, i cili ka deklaruar se i dyshuari e ka kërcënuar duke i thënë se e vret. E gjithë kjo ngatërresë mes tyre dyshohet se ka ndodhur pas një fjalosjeje për parkingun e lokaleve.

Përballë kësaj situate, ai ka kërkuar ndihmën e Policisë së Kosovës, të cilët në koordinim me Prokurorinë Themelore kanë bërë kërkesë për bastisje në shtëpinë  e të dyshuarit, pasi që sipas viktimës ai posedon armë zjarri ilegale. Me urdhër të prokurorit, rasti është iniciuar ‘Kanosje’.

Më Shumë

Zhduket një person në Malësi të Re të Prizrenit

Një person është zhdukur në Malësi të Re të Prizrenit. Ai vuan nga epilepsia . Njoftimi i policisë Prizren 15.05.2024 – NN. Ankuesja femër kosovare ka njoftuar...

“Prizren Fest” anëtare e European Festivals Association

Festivali Ndërkombëtar i Teatrit “Prizren Fest” zyrtarisht është bërë anëtare e European Festivals Association (EFA), shkruan KultPlus. “Jemi të emocionuar dhe krenarë për këtë mundësi...

Lajmet e Fundit