Universiteti “Ukshin Hoti” në Prizren, do të organizojë Konferencë Shkencore Ndërkombëtare, me temë: “Një shekull i mbështetjes amerikane për shqiptarët”.
Konferenca mbahet me 26-28 shtator 2014. “Me këtë rast bëjmë thirrje të hapur për të gjithë studiuesit e interesuar që të marrin pjesë në këtë konferencë me kontributet e tyre”,njofton UPZ.
Abstraktet e punimit duhet t’i referohen temës së Konferencës dhe të përmbajnë jo më shumë se 300 fjalë. Ato duhet të dorëzohen më së largu deri më 30 korrik 2014. Bazuar në abstraktet e dërguara brenda afatit të paraparë, do të hartohet agjenda përfundimtare e Konferencës.
Materialet e Konferencës do të publikohen në një libër të veçantë, me numër të ISBN-së.