Në Stacionin e Autobusëve në Suharekë, dje një person 42- vjeçar ia rremben nga dora telefonin celular të llojit “Iphone 4” një vajze dhe largohet në drejtim të panjohur.
Viktima menjëherë ka kërkuar ndihmën e policisë, të cilët pas një kohe relativisht të shkurtër, kanë arritur të identifikojë e më pas ta arrestojë B. B. mashkull, i vitlindjes 1971 tek i cili është gjetur telefoni.
Sipas policisë, në konsultim me prokurorin i dyshuari është lënë i lirë dhe rasti do t’i kalojë prokurorisë sipas procedurës së rregullt ndërsa telefoni i është kthyer viktimës.