Banorët e fshatit Romajë kanë reaguar për demolimin e varrezave katolike në këtë fshat. Kryesia e këtij fshati, ka kërkuar nga politikanët të kenë kujdes në deklarata për këtë ngjarje.
Kryesia e Romajës, nëpërmjet një reagimi përcjell shqetësimin e banorëve të Romajës dhe kërkon hetim të plotë të rastit.
Gjithashtu duke u bazuar në dëmshmit e banorëve, Kryesia e fshatit thekson se varrezat mund të jen dëmtuar nga stuhia e forta. Në reagim thuhet se nga erërat e forta janë dëmtuar edhe varrezat e myslimanëve.
Kjo është deklarata e plotë e Këshillit të Fshatit – Romajë:
Deklaratë nga Këshilli lokal i Fshatit Romajë
Pas postimit të një deklarate në portalet e Kosovës lidhur me “demolimin e varrezave Katolike në fshatin Romajë”, lëshojmë këtë njoftim për qytetarët e Republikës së Kosovës:
Ne banorët e fshatit Romajë jemi të indinjuar shumë thellë për këtë ngjarje e cila është lansuar në mënyra të ndryshme nga mediet e Kosovës.
E vërteta qëndron në atë se Romaja dhe populli i saj janë të njohur me dekada për diversitet ndërfetar e sidomos me prestarët e besimit katolik që jetojnë në fshatin Dedaj.
Qytetarët e fshatit Romajë e kanë përjetuar rëndë këtë ngjarje dhe i bëjmë thirrje medieve dhe politikanëve që të jenë të kujdesshëm në dhënien e deklaratave pasi që ndikojnë negativisht në ftohjen e marrëdhënieve ndërfetare që kanë qenë shembull jo vetëm në rajonin e Hasit por edhe më gjerë.
Në bazë të dëshmive të banorëve të fshatit është konstatuar se shumë varreza edhe të konfeksionit mysliman janë dëmtuar nga era, pasi që pozita gjeografike ku ndodhën varrezat janë të ekspozuara nga erërat e forta.
Kërkojmë nga organet e hetuesisë që të ndërmarrin masa urgjente në mënyrë që sa më parë të zbulohet e vërteta lidhur me këtë rast dhe kjo do të kontribuonte që ky rast të mos ndikojë në prishjen e marrëdhënieve ndërfetare në mes këtyre banorëve.
