Veterani i UÇK -së, Hajdar Hazir Krasniqi është varrosur sot në fshatin Landovicë të Prizrenit. Bashkëluftëtarët e kanë çmuar lartë figurën e Hajdarit.
Bashkëluftëtari Osman Çerreti, tha se lajmi për ndarjen nga jeta e Hajdar Krasniqit, e ka prekur thellë në shpirt.
“Është shumë i dhimbshëm fakti se shumë luftëtarë të lirisë janë duke u larguar nga kjo botë, për shkak të gjendjes së rëndë financiare dhe mungesës së përdorimit të medikamenteve dhe tretmanit të duhur mjekësor”, tha ai.
Hajdari ishte vëllai i veteranit, Xhelalit, i cili një javë më parë ndërroi jetë.
Hajdar Krasniqi, sipas bashkëvendësve dhe miqve të tij ,nuk kishte ndonjë sëmundje që mund të dyshohej si shkaktare të vdekjes së tij. Ai sikurse edhe i vëllai, Xhelali, gjatë luftës në Kosovë ka qenë pjesë e brigadës 125 të UÇK-së të Zonës Operative të Pashtrikut./TV Prizreni/
Ndërron jetë veterani i UÇK -së Hajdar Hazir Krasniqi
Ka ndërruar jetë veterani i UÇK -së, Hajdar Hazir Krasniqi. Varrimi i tij do të bëhet sot në fshatin Landovicë.