Një delegacion nga Universiteti i Anadollit në Eskishehir të Turqisë, i kryesuar nga Prof. Dr. Adnan Ozlan, Prorektor në këtë universitet, të hënën kanë vizituar Universitetin “Ukshin Hoti” në Prizren, ku janë pritur nga Rektori Prof. Dr. Ramë Vataj, Prorektori për Marrëdhënie me Jashtë, Dr. Sc. Sadik Idrizi, Koordinatori i programit në gjuhën turke, Dr. Sc. Soner Yaldirim dhe anëtarja e Këshillit Drejtues të UPZ-së, Dr. Sc. Mynaver Mujo.
Në takim ishte edhe koordinatorja Universitetit të Anadollit në Kosovë, Eser Spahi Kovaq.
Në takim është diskutuar për bashkëpunimin në mes të dy universiteteve konkretisht për mundësinë e shkëmbimit të studentëve dhe profesorëve dhe realizimit të programeve të përbashkëta studimore.
Rektori Vataj i falënderoj për vizitën dhe për gatishmërinë për të bashkëpunuar me UPZ-së. Ai shprehi mirënjohjen për vlerësimin e kuadrove të UPZ-së dhe llogaritjen për të mbajtur ligjërata në Universitetin e Anadollit.
Prorektori i Universitetit të Anadollit, Prof. Dr. Adnan Ozlan, Prorektor theksoi se ata janë të gatshëm që të mbështesin UPZ-në në të gjitha aspektet.
Mbet që në të ardhmen të mbahet takime të tjera ku do të konkretizohen gjërat në mënyrë që të fillojë bashkëpunimi.