15.2 C
Prizren
E mërkurë, 17 Shtator, 2025

Vdekjet e shkaktuara nga COVID-19 në botë janë afro 15 milionë, thotë OBSH

Pandemia e Covid-19 ka shkaktuar vdekjen e afro 15 milionë njerëzve në mbarë botën, vlerëson Organizata Botërore e Shëndetësisë (OBSH).

Sipas mediave të huaja, përcjell Telegrafi, kjo është 13% më shumë vdekje sesa pritej normalisht gjatë dy viteve.

OBSH beson se shumë vende nuk llogaritën numrin e të vdekurve nga Covid-19 – me vetëm 5.4 milionë të raportuar.

Në Indi, kishte 4.7 milionë vdekje nga Covid-19, është vlerësuar më tej – 10 herë më shumë se shifrat zyrtare – dhe pothuajse një e treta e vdekjeve nga Covid-19 në nivel global.

Qeveria indiane ka vënë në dyshim vlerësimin, duke thënë se ka “shqetësime” për metodologjinë, por studime të tjera kanë arritur në përfundime të ngjashme në lidhje me shkallën e vdekjeve në vend, shkruan BBC, përcjell Telegrafi.

Këto llogaritje marrin gjithashtu parasysh vdekjet që nuk ishin drejtpërdrejt për shkak të Covid-it, por të shkaktuara nga efektet e tij të dëmshme, si njerëzit që nuk mund të hynin në spitale për kujdesin që u duhej.

Por OBSH tha se shumica e 9.5 milionë vdekjeve “shtesë” që janë përveç 5.4 milionë vdekjeve të raportuara nga Covid-19 mendohej se ishin vdekje të drejtpërdrejta të shkaktuara nga virusi, sesa vdekje indirekte.

Duke folur për shkallën e shifrave, Dr Samira Asma, nga departamenti i të dhënave të OBSH-së, tha “Është një tragjedi”.

“Nëse nuk numërojmë të vdekurit, do të humbasim mundësinë për të qenë më të përgatitur për herën tjetër”. /Telegrafi/

 

Më Shumë

Prizren: Armë pa leje në veturë, policia arreston të dyshuarin

Një aksion rutinë i Policisë së Kosovës ka rezultuar me arrestimin e një personi nën dyshimin për posedim të paautorizuar të armës. " Rreth orës...

Drini i Bardhë e lë fitoren nga duart në minutat e fundit në Rahovec

Drini i Bardhë ka ndarë pikët në udhëtimin e saj ndaj Rahovecit, në një ndeshje të fortë dhe me ritëm të lartë. Përkundër dominimit...

Lajmet e Fundit