Elizabeth Norment, aktorja amerikane që njihet më së miri me serinë e famshme politike “House of Cards”, ka ndërruar jetë në moshën 61-vjeçe.
Aktorja ndërroi jetë më 13 tetor në Qendrën për Kancer “Sloan Kettering” në New York, sipas raporteve mediale. Nuk janë dhënë detaje tjera.
“Të gjithë në “House of Cards” janë të befasuar me vdekjen e papritur të Elizabethës. Ka qenë një aktore e talentuar, shpirt i ëmbël dhe mikeshë e mirë e të gjithë neve”, ka thënë Beau Willimon, krijues i serialit, transmeton Koha.net.
Norment ka luajtur rolin e Nancy Kaufberger, sekretares besnike të karakterit të luajtur nga Kevin Spacey.
Norment është paraqitur edhe në shumë seriale tjera televizive, si “Blue Bloods”, “Law and Order” dhe “ER”, si dhe në filmat “Runaway” dhe “The Woman in Red”.
Aktorja ka lindur në Washington, D.C. dhe ka studiuar në Universitetin e Yale-t.