Ka vdekur në moshën 87-vjeçare Gaj Karauan, që dekada më parë këndoi “We shall overcome”, e cila do të bëhej himni i lëvizjes amerikane për të drejtat e njeriut.
Këngëtari i ndjerë u popullarizua sidomos pasi që këngën ua këndoi një grupi studentësh aktivistë zezakë më 1960.
Kënga zuri të merrej si simbol i marshimeve të zezakëve dhe kulmoi me marshimin e Martin Luter Kingut të 1965-s, nga Sellma në Montgomeri.
Ish-presidenti amerikan, Lindon Xhonson, po ashtu e kishte cituar këtë këngë kur lajmëroi Aktin e të Drejtës së Votës më 1965.
Së fundi, këngëtari ishte i sëmurë rëndë dhe vdiq në shtëpinë e tij në Tenesi në ditën e shtunë, siç iu tha mediave lokale gruaja e tij.