21.4 C
Prizren
E enjte, 11 Shtator, 2025

Vdes këngëtarja dhe aktorja Jane Birkin

Jane Birkin, këngëtarja dhe aktorja e njohur britanike, e cila ishte bërë ikonë e modës në Francë, ka vdekur në moshën 76-vjeçare.

Birkin ka vuajtur së fundi nga problemet shëndetësore, prandaj edhe i pati anuluar koncertet.

Shkaku i saktë i vdekjes së saj nuk është bërë i ditur.

Birkin i ka prekur majat e suksesit, ndërkohë që ka kaluar nëpër një marrëdhënie turbulente me këngëtarin dhe tekstshkruesin Serge Gainsbourg.

Ajo është njohur për theksin e saj të veçantë francez. Shumëkush e ka përshkruar atë si vajzën ikonë të viteve të 70-ta.

Në vitin 1984, Hermes e ka dizajnuar një çantë me emrin e saj, dhe prej atëherë ajo konsiderohet simbol i kompanisë.

Reagimet për vdekjen e Birkinit kanë qenë të shpejta.

Presidenti francez, Emmanuel Macron e ka quajtur Birkinin “artiste të kompletuar”, e cila siç ka thënë “ka kënduar fjalët më të bukura të gjuhës sonë”.

“E paimagjinueshme të jetojmë një botë pa dritën tënde në të”, ka thënë këngëtarja Etienne Daho, një prej mikeve të saj të ngushta.

Kryeministrja franceze Elisabeth Borne, e ka përshkruar atë si “ikonë të paharrueshme, me zë unik dhe sharm”, e cila “me muzikën dhe talentin e saj do të jetojë me gjenerata”.

Më Shumë

Kosova nis me humbje kualifikimet për Kupën e Botës 2026

Kombëtarja e Kosovës nuk ka arritur të marrë rezultat pozitiv në ndeshjen e parë të kualifikimeve për Kampionatin Botëror 2026. Dardanët u mposhtën nga...

Bashkimi nis përgatitjet me fitore ndaj Podgoricës

Bashkimi i Prizrenit ka zhvilluar ndeshjen e parë kontrolluese në kuadër të përgatitjeve për sezonin e ri, ku ka arritur të fitojë ndaj skuadrës...

Lajmet e Fundit