Producenti i filmave kung-fu, Run Run Shaw, njëri nga figurat më me ndikim në industrinë filmike në Azi, ka vdekur në moshën 106-vjeçare.Arsyet e vdekjes së tij nuk janë bërë të ditura në komunikatën e lëshuar nga Television Broadcasts Limited (TVB), të cilën e themeloi Shaw në vitin 1967 ndërsa bëhet e ditur se ai ka vdekur të martën.
Kompania e tij filmike “Shaw Brothers Studios” realizoi rreth 1 mijë filma dhe popullarizoi kung-fun nga e cila u frymëzuan edhe regjisorët e Hollywoodit si Quentin Tarantino.
Studioja e tij, dikur në mesin e studiove më të mira në botë, ndihmoi në nisjen e karrierave të regjisorëve si John Woo. Televizioni i tij ndihmoi në ngritjen e aktorëve si Chow Yun-fat. Ai gjithashtu ishte producent i filmit amerikan “Blade Runner”.