Bobby Keys, i cili ka luajtur në saksofon me grupin legjendar “Rolling Stones”, ka vdekur të martën në moshën 70-vjeçare.
Muzikanti ka qenë i pranishëm në skenën e rock’n’rollit që nga mosha 15-vjeçare, duke luajtur përkrah legjendave si Buddy Holly, John Lennon e Eric Clapton.
Kulmi i karrierës së tij ishte arritur me grupin “Rolling Stones” dhe njihet për performimin në këngën klasike “Brown Sugar” së bashku me albumin e njohur të grupit “Exile On Main Street”, transmeton koha.net.
Keys për herë të fundit me grupin luajti në Festivalin e Glastonburyt në vitin 2013. Në tetor të atij viti ai ishte detyruar të braktisë grupin për koncertet në Zelandë të Re dhe Australi shkaku i shëndetit të dobët.
Shkaktari i vdekjes së tij ende nuk dihet.