Kryetari i Rahovecit, Idriz Vehapi ka uruar mësimdhënësit për 7 Mars.
“Kam kënaqësinë t’ju uroj 7 Marsin, këtë ditë të nderimit të mësuesit”, thuhet në urimin e Vehapit.
“Duke e parë më shpresë dhe besim se ju, për çdo ditë po e ndryshoni për mbarë arsimin tonë, shpreh gatishmërinë dhe vullnetin tim që të jem me ju e në përkrahjen tuaj në këtë rrugë fisnike për dritë të diturisë për fëmijët tanë”.
“Duke vlerësuar mundin dhe punën tuaj në gjithë këto vite, ju meritoni falënderim të veçantë për durimin dhe përkushtimin që keni treguar në këtë rrugë të vështirë e plot sfida – që nga koha, nën okupim, e arsimit paralel, kur beteja për arsim ishte betejë për liri dhe dinjitet dhe, më pastaj, pas luftës në Kosovë, kur patët durimin e vullnetin për të nisur procesin e mësimdhënies në kushte të një infrastrukture të rrënuar, për të vijuar më pastaj edhe me procesin e reformave në arsim, reforma këto që po vijojnë edhe sot”.
“Të nderuar mësimdhënës, ju meritoni respektin e gjithë neve që, në këtë udhë të vështirë, po tregoni se jeni të vendosur të ecni me vullnet dhe besim, duke e përafruar cilësinë në mësimdhënie çdo ditë e më shumë me standardet e shkollimit evropian”. /PrizrenPress.com/