Vëllezërit Xhelal e Hajdar Krasniqi nga Landovica e Prizrenit, kanë ndërruar jetë brenda javës. Ata kanë qenë veteranë të luftës së UÇK-së.
Xhelali ka ndërruar jetë pas një sëmundje, ndërkaq Hajdari nga pikëllimi për vëllain.
Xhelali gjatë luftës, ishte në grupin e parë të atyre që kaluan Pashtrikun për të marrë armatim për luftëtarët e lirisë në Kosovë.
I takonte grupit të dëshmorit të kombit Hashim Gashi.
Bashkëluftëtarët kanë çmuar lartë kontributin e Xhelalit.
Një javë pas vdekjes së Xhelalit, nga pikëllimi, ndërroi jetë vëllai i tij, Hajdar Krasniqi. Ai ishte kyçur në celulat e para të UÇK–së.
Vdekja e parakohshme e vëllait, e rëndoi dhe e mërziti aq shumë sa që zemra e tij ende pa mbushur të plotë një javë u ndal nga dhembja që kishte.
Komandanti i UCK-së Osman Çerreti thotë se të mirët po i merr Zoti.
“Të mirët po i merr Zoti që mos ta shohin këtë lemeri që po ndodhë”, pohon Çerreti.
Ai vlerëson se veteranët nuk po trajtohen si duhen. Në mesin e tyre, ishte edhe Xhelali, i cili vuante nga sëmundja e zemrës. / Q.THAÇI