Si zakonisht, në “Debat Pernime” pyetja e parë që u bëhet kandidatëve është vendimi i parë që do ta marrin po të vijnë në krye të komunës Në mungesë të kandidatit të PDK-së, Shaban Shabani, kësaj pyetje i dha përgjigje vetëm kandidati i LDK-së për kryetar komune në Dragash, Selim Kryeziu.
Kryeziu kishte një vendim shumë të veçantë në mendje, e ajo ishte ulja e pagës së kryetarit të komunës, pasi sipas vlerësimit të auditorit gjeneral të Kosovës, kryetari i komunës së Dragashit merr 119 euro pagë më shumë se maksimumi i lejuar sipas udhëzimit administrativ 06/2008,
Vendimi i parë i Kryeziut do të jetë rishikimi i pagës personale, dhe rikthimi i saj në vlerën e lejuar me ligj, në shumën të cilën e ka caktuar auditori gjeneral.
Për ekipin Kryeziu ka disa emra, së pari për nënkryetarin nuk do të mund të ketë emër pasi kjo pozitë vendoset pas koalicioneve paszgjedhore, por ai ka 3 emra për 3 drejtorë të drejtorive të cilët do t’i caktojë po të vijë në krye të komunës, e ata janë:
Behxhet Xheladini. Vehbi Rexhepi dhe Betim Ramadani./21rtv/