Pavarësisht premtimeve se publikimi i listave të veteranëve, invalidëve, pjesëtarëve dhe të internuarve të Ushtrisë Çlirimtare të Kosovës do të përmbyllej deri më 20 shkurt, një gjë e tillë nuk po bëhet ende.
Kjo pasi që komandantët e zonave operative të Shalës, Pashtrikut, Dukagjinit e Drenicës kanë kërkuar që edhe një herë t’i rishikojnë këto lista në mënyrë që të evitohen pakënaqësitë eventuale. Kjo zvarritje ka shkaktuar pakënaqësi te veteranët e UÇK-së të cilët po paralajmërojnë protestë,shkruan Zeri.
Ndërkohë, që Komisioni për verifikimin e pjesëtarëve të këtyre kategorive kanë bërë të ditur se të premten pritet të bëhet publikimi i listave nga Zona Operative e Shalës e më pas edhe nga zona e Pashtrikut, ndërsa brenda javës së ardhshme pritet të publikohen edhe listat nga Zona Operative e Dukagjinit dhe nga ajo e Drenicës…