Lëvizja Vetëvendosje! në Prizren, ka shpalosur të martën të gjitha problemet e grumbulluara të qytetarëve. Kandidati i VV-së për kryetar të Prizrenit, Arbër Rexhaj tha se në aktivitetin që është organizuar dje 200 qytetarë kanë rreshtuar 10 probleme më kryesore që Komuna e Prizrenit nuk ka aarritur t’i zgjidhë.
“ Konsiderojmë se një pasqyrë e tillë e të dhënave flet për një gjendje të rëndë në Komunën e Prizrenit, me mungesë edhe të kushteve elementare për një jetë modeste të qytetarëve”, tha rexhaj.
Ai premtoi se këto pakënaqësi dhe brenga të shprehura nga qytetarët, Lëvizja Vetëvendosje do t’i përfshijë në Alternativën Qeverisëse të saj, për këto zgjedhje lokale. “Ne besojmë se vetëm bashkëveprimi me qytetarë është garancë e një qeverisjeje të shembullit të mirë”, tha Rexhaj. /PrizrenPress.com/
Problemet që qytetarët i kanë shprehur në aktivitetin e Vetëvendosjes janë:
Papunësia 73%
Shkatërrimi urbanistik 50%
Mungesa e ujit të pijshëm 56%
Korrupsioni në pushtetin lokal 57%
Menaxhimi i keq i mbeturinave 41%
Punësimi i militantëve partiak 54%
Mungesa e parkingjeve 27%
Degradimi i arsimit 32%
Mungesa e ambienteve sportive 28%
Rrezikimi i trashëgimisë kulturore 45%
Shëndetësia e dobët 39%
Ujërat e zeza 24%