Si duket, prezenca e Fatmir Limajt në fjalimin e tij para qytetarëve të Malishevës ka shtuar kureshtjen që këta të fundit të përkrahin Limajn edhe më shumë.
Sipas një komunikatë thuhet se pesë nëndegë të PDK-së, kanë konfirmuar kalimin në Iniciativën Qytetare për Malishevën, ku anëtarësia e tyre arrin në mbi një mijë anëtar, po ashtu edhe shumë aktivistë të tjerë janë bashkuar në aktivitetet e IQPM-së.
Ndërsa rreth takimit te djeshëm të Limajt me këtë iniciativë, këta të fundit e vlerësojnë si shumë të përzemërt dhe entuziast, dhe se sipas tyre ishte takim i Komandantit me bashkë luftëtarët, ishte takim i liderit me qytetarët , ishte takim për ndryshim dhe për kthime të dinjitetit.
“Si çdo herë z.Fatmir Limaj edhe në këtë rast, pa me syt e mendjes, kërkesat dhe hallet e popullit të cilit i ktheu shpresën duke deklaruar mbështetjen e tij, për ndryshim duke mbështetur hapur dhe fuqishëm , Iniciativën Qytetare Për Malishevën dhe kandidatin e saj për kryetar Komune z. Ragip Begaj”, thuhet në komunikatë të IQPM-së./PrizrenPress.com/