Mikela, Meridiani, Valeri dhe Enkelejdi flenë gjumë.Visari shkon pranë Lorit, e cila është shtrirë tek krevati i saj. Ajo ankohet se i dhemb shumë koka, teksa Visari i thotë se e ka dhembjen ngaqë flet dhe bërtet shumë. Visari i merr një ilaç për kokën dhe ia shërben. “Edhe pse ti nuk e meriton, por unë e kam zemrën e mirë”, i thotë ai, Lorit. Visari puth në faqe Lorin dhe i uron t’i kalojë dhembja e kokës. Ata urojnë njëri-tjetrin natën e mirë. Lori shtrihet të flejë, ndërsa Visari u bashkohet grupit të vajzave.
Vajzat flasin për provën javorë të komedisë “Pallati 176” duke bërë batuta të pjesëve që kanë. Juliana kërkon përkushtim nga banorët, duke qenë se nga prova varet buxheti i tyre javor. Jona dëshiron të flejë dhe fton Nevilën të flenë bashkë, kurse Juliana shtrihet tek Visari. Jona dhe Nevila ngacmojnë Visarin, kurse Juliana thotë se ajo është beqare. Nevila i thotë se ajo duhet ta deklarojë një gjë të tillë, ndërsa Juliana qesh.
Në një moment Juliana dëgjon hapa dhe kujton se Arditi po vjen në dhomë, prandaj çohet direkt nga krevati i Visarit. Nevila dhe Jona qeshin, kurse Visari bën sikur fle gjumë. “E di ku e gjen veten Visar, në fund të pishinës”, e ngacmon Jona për Arditin. “Unë edhe kjo”, ia kthen Visari. Vajzat qeshin, sepse Visari bën sikur gërhet kur kalon Arditi dhe çohet sapo ai ikën. Visari i thotë Julianës të shkojë të flasë me Arditin, sepse ai është vetëm duke pirë cigare në oborr. Juliana qesh dhe nuk jep asnjë koment. Visari ngacmon Julianën: “Arditi Xhuli po më provokon”. Ai i thotë Julianës të flejë, por ajo i kërkon maskën që ka vënë tek sytë.
Më pas, Juliana shtrihet tek krevati i saj dhe fle gjumë, njëkohësisht fle Jona e Visari.