Kandidatja për deputete nga radhët e PDK-së në Prizren, Luljeta Veselaj-Gutaj, në këtë qytet ka marrë 3051 vota.
Ajo tha se zgjedhjet e 11 qershorit ishin një test i madh për shoqërinë kosovare, të cilat janë zhvilluar në mënyrën më të mirë të mundshme.
“Sikur edhe herën e kaluar, Partia Demokratike e Kosovës, Kryetari Z.Kadri Veseli dhe strukturat tjera të partisë i kanë besuar kandidimit tim edhe për një mandat të ri për deputete në Parlamentin e Republikës së Kosovës. Ky besim sigurisht që për mua ka qenë, është dhe do të mbetet një nderë i madh, pasi në mandatin e kaluar kam arritur denjësisht që të përfaqësoj zërin e atyre që më kanë votuar”, shkruan ajo në Facebook.
“Për këto ditë fushatë, kam hasur njerëz të mirë, të përkushtuar dhe mbështetës të cilët më kanë dhënë kurajo për të vazhduar sigurt edhe në një mandat tjetër përfaqësimin e tyre, njerëzve dhe mbështetësve të PDK’së”.
“ Një fushatë e shkurtër, por shumë fer, domethënëse e shumë produktive. Falënderime të panumërta për të gjithë ata që më kanë qëndruar gjatë gjithë kohës pranë meje, të cilët më kanë mbështetur fuqishëm. Kjo mbështetje ka rezultuar edhe me një numër të konsiderueshëm të votave të cilat janë adresuar në numrin tim zyrtar elektoral, pra numrin 57”.