Ende mbetet e pasqaruar vrasja në Grykën e Caralevës, ku nga të shtënat me armë zjarri, një person vdiq, dy të tjerë u plagosën, ndërsa njëri është ende në gjendje të rëndë.
Njësiti i krimteknikës ende po vazhdon kërkimin e provave materiale për vrasjen e mbrëmshme që ndodhi në orët e mbrëmjes në Grykën e Caralevës, ku një person rreth moshës 19-të vjeçare humbi jetën dhe dy të tjerë u plagosën, pas një të shtënë me armë zjarri, nga disa persona.
Sipas policisë, ngjarja ka ndodhu për motive të dobëta. Tre persona janë arrestuar, ndërsa dy të tjerë ende janë në arrati, njëri prej tyre është person i njohur për policinë.
Sipas informacioneve nga spitali rajonal I Prizrenit, njëri nga të plagosurit I është nënshtruar operacionit dhe vazhdon të jetë nën kontroll intensivë , pasi gjendja e tij është akoma e rëndë, ndërsa personi tjetër i cili ka pasur plagë me armë zjarri në krah, ka refuzuar të reanimohet dhe është larguar në shtëpi.