Së paku 42 ushtarë janë vrarë dhe 24 të tjerë janë plagosur, nga disa sulme me bomba kundër forcave të qeverisë së Jemenit, në vendin Mukalla, që dikur ishte bazë e al-Kaidës.
Për këtë sulm të djeshëm përgjegjësinë e ka marrë ISIS-i. Zyrtarët jemenas kanë thënë se cak i sulmeve ishin zyrat e inteligjencës, kazermat ushtarake dhe postblloqet, derisa ushtarët dhe personeli i sigurisë, përgatiteshin për Iftar në muajin e shenjtë të Ramazanit, raporton REL.
ISIS-i dhe al-Kaida i kanë zgjeruar aksionet në Jemen, duke e shfrytëzuar kaosin në këtë vend për shkak të luftës civile. Në këtë konflikt, kryengritësit shiitë huthi luftojnë kundër qeverisë së njohur ndërkombëtarisht të presidentit, Abd Rabu Mansour Hadi.
Në bisedimet për arritjen e paqes ndërmjet dy palëve është arritur progres i vogël.