Lëvizja Vetëvendosje! në Prizren vazhdoi takimet nëpër lagjet e fshatit Zhur. Kandidati Arbër Rexhaj bashkë me kandidatët për Ansamblenë Komunale vizituan lagjen e “Ademajve”. Në takimet me banorët ata kërkuan mbështetjen e tyre për ta jetësuar alternativën e Lëvizjes Vetëvendosje! për komunën e Prizrenit. “Kërkojmë mbështetjen tuaj për ta dëshmuar vetën. Alternativa jonë është përgjigje konkrete për hallet dhe problemet tuaja të përditshme. Në vend të premtimeve boshe dhe mesazheve triumfaliste të subjekteve tjera, ne ofrojmë zgjidhje konkrete për probleme të caktuara”, tha Rexhaj.
Ndërkaq, Liburn Aliu, tha se se ndryshimi politik në Kosovë fillon si frymë dhe kurorëzohet si organizim dhe mobilizim i qytetarëve të pakënaqur.” Ky moment shënon vetëdijen e ngritur dhe vullnetin për ndryshim të secilit prej neve. Prandaj ne sot kërkojmë që ta mbështetni Lëvizjen VETËVENDOSJE! dhe kandidatin e tonë Arbër Rexhaj. Vetëm së bashku mund ta bëjmë ndryshimin”, tha Aliu./PrizrenPress.com/