Pogba ishte një nga lojtarët më të qëndrueshëm për ekipin e Didier Deschamps pasi ata kryesuan Grupin F kundër rivalëve Portugezë dhe Gjermanë në fazat e hershme të turneut, raporton Goal, transmeton Klankosova.tv.
Por, mbajtësit e Kupës së Botës u eliminuan në 16 të fundit nga fqinjët Zvicran, për ta lënë Pogbën jashtë turneut, një largim që erdhi shumë shpejt për atë që Rooney e konsideronte pretendent për çmimin “Lojtar i turneut”.
“Si shumë njerëz, unë i imagjinoja francezët të ishin kampionë dhe si ekip ata ishin një zhgënjim masiv.
Ky ishte një turp i veçantë për Paul Pogban. Ai kishte qenë lojtari i turneut derisa ata dolën jashtë.
Kjo e ndihmoi atë që të kishte N’Golo Kanten si partnerin e tij në mesfushë, por unë mendoj se arsyeja më e madhe që performancat e Paul ishin kaq të mira ishte pozicionimi i tij.
Ai po luante më thellë sesa e shohim normalisht për Manchester United dhe kjo do të thoshte që ai ishte në gjendje të merrte topin në zonat e fushës ku kishte kohë dhe hapësirë për të zgjedhur një pasim”, shkroi ikona e United.