Kandidati për kryetar të Lëvizjes “Vetëvendosje Visar Ymeri sot do të prezantojë planin e tij për angazhim dhe ndryshim për tre vitet e ardhshme.
Lëvizja Vetëvendosje njofton se prezantimi do të mbahet sot në, ora 14:00, te Salla e Kuqe në Pallatin e Rinisë në Prishtinë.
Siç njofton kjo Lëvizje Ymeri, ka dorëzuar të gjithë dokumentacionin dhe nënshkrimet e nevojshme mbështetëse për zgjedhjet e brendshme të Lëvizjes.
Komisioni Zgjedhor i Përgjithshëm ka miratuar mbajtjen e një aktiviteti për zgjedhjet e brendshme ku Ymeri do të prezantojë planin e tij për angazhim dhe ndryshim për tre vitet e ardhshme.
Në përfundim të prezantimit që do të bëjë kandidati për kryetar, Visar Ymeri, pjesëmarrësit në këtë aktivitet do të kenë mundësi t’i shtrojnë pyetje Visar Ymerit lidhur me kandidaturën dhe planin e tij.