Kryetari i Bashkimit Demokratik në Prizren, Zafir Berisha, ka hedhur kritika të ashpra për therjet e nxënësve me thika. Ai akuzon drejtuesit e Drejtorisë së Arsimit, për gjendjen e alarmante të sigurisë që ka krijuar nëpër shkolla.
“Kjo që po shohim se çfarë ka bërë Drejtoria e Arsimit nëpër shkolla është fashiste. Siguria nuk arrihet me masa represive policore sikur në regjimin e Serbisë, por arrihet me masa për ngritjen e nivelit edukativo-arsimor, nivel që është në zero për shkak të menaxhimit nga njerëz të paaftë psiqikisht dhe politika te matufosura të mentalitetit të viteve të 60-ta”, ka thënë Berisha. /PrizrenPress.com/